Gildi JAR-FCL skírteina

Öll skírteini flugmanna eru gefin út og endurútgefin til fimm ára en veita engin réttindi nema
• í þeim sé minnst ein flokks- eða tegundaráritun í gildi.
• þeim fylgi heilbrigðisvottorð samkvæmt JAR-FCL 3 í gildi
• handhafi uppfylli lágmarkskröfur (stig 4) í tungumálakunnáttu í talstöðvasamskiptum.

Heilbrigðisvottorð fyrir einkaflugmannskírteini
• Til þess að mega neyta réttinda sem einkaflugmannsskírteini veitir þarf handhafinn að hafa gilt 1. eða 2. flokks JAR-FCL heilbrigðisvottorð. Hafi hann blindflugsáritun og 2. flokks heilbrigðisvottorð skal hann uppfylla að hluta til kröfur fyrir 1. flokks heilbrigðisvottorð (Sjá JAR-FCL 1.105/2.105 og 1.274/2.274).

Heilbrigðisvottorð fyrir atvinnuflugmannsskírteini og atvinnuflugmannsskíteini 1. flokks
• Til þess að mega neyta réttinda sem atvinnuflugmannsskírteini veitir þarf handhafi þess að hafa gilt 1. flokks JAR-FCL heilbrigðisvottorð. (Sjá JAR-FCL 1.145/2.145 og 1.270/2.270).

Tegundar- og flokksáritanir
• Það eru engar takmarkanir í JAR-FCL á fjölda tegundar- og flokksáritana sem mega vera samtímis í gildi. Í reglugerðum varðandi flugrekstur ( t.d. í JAR-OPS) er það aftur á móti takmarkað og því einnig í flugrekstrarbókum flugfélaganna. (Sjá JAR-FCL 1.235/ 2.235(b)).>/ul>