Hvað verð ég að gera áður en ég mæti til innritunar í brottfararsal flugstöðvar?

    Þegar pakkað er niður fyrir ferðalag ætti að hafa í huga að snyrtitöskum, tannkremi, hárvörum, ilmvatnsglösum, kremi, rakspíra, svitalyktareyði, sápum, raksápu og öðrum sambærilegum hlutum er best fyrir komið í innrituðum farangri. Mundu að pakka einnig hlutum í innritunarfarangur sem ekki eru leyfðir í handfarangri. Hlutir eins og skæri, naglaþjalir og vasahnífar verða að fara í innritaðan farangur. Ef slíkir hlutir finnast í handfarangri við öryggisskoðun er farþeganum undantekningarlaust meinað að halda áfram með hlutinn í gegnum öryggishlið.

Hvernig get ég flýtt fyrir öryggisleit?

    Vertu tilbúin(n) að sýna öryggisvörðum ferðaskjöl/brottfararspjald og/eða skilríki/vegabréf til skoðunar Vertu tilbúin(n) að setja handfarangur í plastbakka við færibandið fyrir framan gegnumlýsingarvél séu þeir fyrir hendi.

    Vertu búin(n) að:

    • Taka plastpokann með vökvunum úr handfarangri taka fartölvu og önnur stærri rafmagnstæki úr tösku
    • Tara úr yfirhöfn, jakka
    • Taka af þér belti og tæma vasa


Þessa hluti skal meðal annarra skima sérstaklega:

Fartölva  Fartölvutaska  Líters poki  Armbandsúr  Belti  Yfirhöfn  Myndavél  Farsími  iPod  Geislaspilari  Smápeningar  Seðlaveski  Lykill  PSP leikjatölva





Hvað gerist ef bannaðir hlutir finnast i handfarangri?

Ef bannaðir hlutir (t.d. oddhvassir hlutir, vökvar í stærri umbúðum en 100 ml) finnast við öryggisleit fær farþeginn ekki að fara með þá inn fyrir öryggishlið.

Þegar farþegi er kominn í öryggisleit er of seint að koma bönnuðum hlutum fyrir í áður innrituðum farangri. Aðstaða til að geyma bannaða hluti er ekki fyrir hendi í flugstöðvum á Íslandi.